ब्रेकिंग

देश

तहव्वूर राणाला कुटुंबीयांशी दूरध्वनीवर बोलण्यास परवानगी

Samruddhi Dhayagude
10 Jun 2025

नवी दिल्ली : मुंबईवरील २६/११ च्या दहशतवादी हल्ल्याचा सूत्रधार तहव्वूर राणा याला कुटुंबीयांशी दूरध्वनीवर बोलण्याची पवानगी येथील न्यायालयाने दिली.

विशेष न्यायाधीश चंदरजीत सिंह यांनी राणा यांना फक्त एकदाच तो कुटुंबीयांशी दूरध्वनीवर बोलू शकतो, असे सांगितले. हा दूरध्वनी तुरुंग नियमावलीनुसार आणि तिहार तुरुंग अधिकार्‍यांच्या देखरेखीखाली असेल, असेही न्यायाधीशांनी सांगितले. तहव्वूर याच्या प्रकृतीबाबत १० दिवसांच्या आत अहवाल सादर करण्याचे निर्देशही न्यायालयाने यावेळी दिले.

यासोबतच, न्यायालयाने तहव्वूर याला नियमित दूरध्वनी करण्याची परवानगी द्यावी की नाही, यावर तुरुंग अधिकार्‍यांनी अहवाल सादर करण्याचे निर्देश दिले. पाकिस्तानी वंशाचा कॅनेडियन उद्योगपती तहव्वूर सध्या न्यायालयीन कोठडीत आहे.

४ एप्रिल रोजी तहव्वूर याला अमेरिकेतून भारतात आणण्यात आले. त्याने १३ नोव्हेंबर ते २१ नोव्हेंबर २००८ दरम्यान पत्नी समराज राणा अख्तरसह उत्तर प्रदेशातील हापूर आणि आग्रा, दिल्ली, केरळमधील कोची, गुजरातमधील अहमदाबाद आणि महाराष्ट्रातील मुंबईला भेट दिली होती. तसेच, डेव्हिड कोलमन हेडली उर्फ दाऊद गिलानी याच्या मदतीने हल्ल्याची आखणी केली होती.